THIS IS MY PERSONAL NOTES FROM MY COVERAGE, ASK PERMISSION FIRST BEFORE YOU OPEN, THANK YOU.
LANTAWA:
Usa ka espesyal nga medical-surgical mission ang gihimo ning adlaw nga Sabado Mayo 17, 2025, pinangunahan sa mga Doktor ug espesyalista gikan sa Northern Mindanao Medical Center partikular sa Department of Obstetrics and Gynecology sa pagpanguna ni Dr. Caroline Orimaco, uban sa pakig-alayon sa St. Paul Hospital Tagoloan ubos sa pagdumala ni Chief of Hospital Dr. Ben Johnson Villanueva katimbayayong ang mga kawani sa maong Balay Tambalanan.
Tumong sa maong kalihokan ang paghatod og libre nga serbisyo sa panglawas ilabi na sa mga kababayen-an, diin gitanyag sa maong kalihokan ang prenatal check-ups alang sa mga high-risk nga buros, screening sa cervical cancer (pinaagi sa Papsmear ug VIA), ug gynecologic check-ups. Lakip usab sa mga serbisyo ang ultrasound alang sa mga nagbuntis ug katong adunay myoma, cyst, o bukol sa matres, lakip na ang operasyon para sa mga kababayen-an nga nanginahanglan og operasyon.
Gani man isip representante ni Mayor Atty. Nadya B. Emano-Elipe, anaa si Tagoloan Municipal Councilor-Elect Doc Bobby Factura kinsa mainiton nga nagkigabi-abi, ug nag-paabot sa dakong pagpasalamat sa mga kawani sa NMMC alang sa paghatud sa libreng medikal nga serbisyo sa mga Tagoloanon.
Sa kinatibuk-an, mikabat sa 236 ka mga pasyente ang naka-benepisyo sa maong mga serbisyo nga gi-langkoban sa:
4 — Major surgeries
2 — Thermal Ablation
41 — VIA
60 — Prenatal Check-ups
8 — Gyne Consultation
36 — Gyne Ultrasound ug,
63 — OB Ultrasound
Ang kalihokan usa ka inisyatibo aron mapalambo ang hisgutanang panglawas sa mga Tagoloanon, nga usa sa gihatag suporta ni Mayor Atty. Nadya, uban ni Dr. Villanueva isip tigdumala sa St. Paul Hospital busa dako ang ilahang pagpasalamat nga usa ang Tagoloan sa na-alagaran sa libreng medikal nga mga serbisyo.
#MayorNadyaEmano
#PadayonTagoloan
#PadayonPilipino
#IpadayonAngTiunayNgaSerbisyo
Dept. Chair sa OB-GYNE
DR. Caroline Orimaco
Comments
Post a Comment