Mabungahong gi-pahigayon sa Lokal nga Pangagamhanan sa Lungsod sa Tagoloan ang kasaulogan sa ika-127 nga Anibersaryo sa Kagawasan/Independence Day ning adlaw nga Huwebes, Hunyo 12, 2025.
Kini gi-sugdan sa usa ka pagpakayab sa nasudnong bandila ngadto sa Antonio Tecla Cosin Park, nga gi-sundan sa wreath laying Ceremony sa Heroes Monument pinangunahan ni Mayor Atty. Nadya B. Emano-Elipe, Sangguniang Bayan Member pinangulohan ni Vice Mayor Robinson Sabio, Municipal Vice Mayor-Elect Rolando Seno, representante ni Congressman Bambi Emano nga sila Mr. Van Dominggo ug Mr. Jaylord Adame, uban usab ang mga institusyon, ahensya, ug ulo sa Departamento sa Balay Lungsod sa Tagoloan.
Samtang, mi-paambit usab sa mga kaalam, ug makadasig nga mga pagtulon-an bahin sa kasaysayan isip guest speaker si Dr. Premitivo Ragandang III. Lakip niini, anaa usab ang presensya sa Boyscout of the Philippines, Mga magtutudlo sa Lungsod sa Tagoloan, Men and Women in Uniforms, Phil. Veterans Federation Tagoloan, Higaonons, Muslim ug empleyado Lokal sa LGU-Tagoloan.
Comments
Post a Comment