Gipasiugdahan ning adlawa Hunyo 20, 2025 ang usa ka Ceremonial Turnover ug Ribbon Cutting alang sa daghang proyekto sa infrastruktura nga nabubo ug malampusong natunol ngadto sa Lubgsod sa Tagoloan ubos implementasyon gikan sa lalawigan sa Misamis Oriental, ilawom sa liderato ni Governor Peter Sr. Pedro Unabia nga anaa sa kalihokan.
Lakip niini, malipayon usab kining gipasalamat ni Mayor Atty. Nadya nga personal nga nagpaambit og mensahe nga ang maong mga proyekto makahatag dugang kaarangan alang sa mga katawhan ug mga estudyante. Present pud sa kalihokan si Vice Mayor Elect Rolando Seno, Miyembro sa Sangguniang Bayan, uban usab ang representante ni Congressman Bambi Emano nga si Sangguniang Panlalawigan Board Member Elect Nancy Madjos, Mga opisyales sa Barangay, Magtutudlo ug mga dinapit nga bisita.
Sa kasayuran, kini ang mga proyektong imprastraktura ang nabubo ug malampusong natunol nga mao ang:
1. Perimeter Fence sa Barangay Property sa Sitio El Mundo, Barangay Natumulan nga adunay pondo nga ₱807,130.32.
2. 2-Storey 4-Classroom School Building sa Natumulan Elementary School nga nagkantidad og ₱9,470,928.49.
3. 2-Storey 4-Classroom School Building sa Casinglot Elementary School nga gikatakdang ₱9,906,253.47.
4. 2-Classroom School Building sa Maribojoc Integrated School nga nagkantidad og ₱3,787,982.95.
5. 2 storey, 4- Classroom building sa Rosario National High School ug,
6. Sta. Cruz to Sta. Ana Misamis Oriental Boundary Provincial Road.
Ang nasangpit nga mga proyekto nagtinguha nga mapaayo pa ang serbisyo ilabi na sa sektor sa edukasyon ug kaayohan sa komunidad. Usa ka timailhan sa nagpadayon ang tinguha sa probinsya nga mapalambo ang kinabuhi sa mga Misamisnon pinaagi sa maong proyekto.
Comments
Post a Comment