THIS IS MY PERSONAL NOTES FROM MY COVERAGE, ASK PERMISSION FIRST BEFORE YOU OPEN, THANK YOU.
Mabungahong gipahigayon ang unang adlaw sa Arta Citizen's Charter Re-Engineering workshop on the Disbursement Process ug LGU Executive Briefing; Hulyo 15, 2025 nga gihimo ngadto sa Civoleg Hilltop Garden Resort sa Dakbayan sa Gingoog.
Ang maong pagbansay, gi-tambongan sa mga Ulo sa Departamento sa Balay Lungsod sa Tagoloan, uban ang pipila ka mga staffs sa matag opisina. Anaa usab ang presensya ni Municipal Vice Mayor Rolando Seno isip representante ni Mayor Atty. Nadya B. Emano-Elipe alang paghatag og hugot nga suporta atol sa maong kalihokan.
Uban sa pagpanguna usab sa HRMO-Tagoloan ubos sa pagdumala ni Ms. Elizabeth Obaob, katimbayayong si DILG-Tagoloan MLGOO Ms. Michelle Espedido, gi-tumong sa maong pagbansay ang pagpalambo sa matag opisina bahin sa ilahang papel ug pag-paayo sa mga serbisyo sa matag buhatan. ilabi na ang paghatag igong pagtagad sa mga hagit sa matag opisina nga mahatagan og rekomensayon ug solusyon aron mapauswag sa serbisyo publiko sa Lokal nga Pangagamhanan sa Lungsod sa Tagoloan.
--------------------
Sa tinguha nga mapaayo, ug mamahimong hapsay ang paghatud sa serbisyo alang sa mga katawhan sa Lungsod sa Tagoloan; nagmalampuson karon ang ika-duhang adlaw sa Arta Citizen's Charter Re-Engineering workshop on the Disbursement Process; Hulyo 16, 2025 nga gipahigayon ngadto sa Civoleg Hilltop Garden Resort sa Dakbayan sa Gingoog, kauban ang mga ulo sa departamento ug mga staffs sa matag opisina sa Lokal nga Pangagamhanan sa Tagoloan.
Gi-tumong niining pagbansay ang paghatag katin-awan sa mga gabayan ug proseso sa serbisyo, ilabi na paghatag rekomendasyon aron nga mapamaayo, masolusyonan ang mga hagit ug mamahimo usab nga organisado ang pagpenerbisyo sa katawhan nga maoy usa sa gi-tinguha ni Mayor Atty. Nadya B. Emano-Elipe.
Uban sa maong kalihokan, ang mga lumilihok gikan sa HRMO-Tagoloan sa pagpanguna ni Ms. Elizabeth Obaob, ug DILG-Tagoloan MLGOO Ms. Michelle Espedido.
Comments
Post a Comment