Mabungahong gipahigayon ning adlaw nga Lunes Hulyo 28, 2025 ang usa ka seminar nga mao ang "Seminar On Nutrition and Responsible Parenting" nga gi-tambongan sa mga pregnant women gikan sa Lungsod sa Tagoloan, kauban sa pagtimbayayong sa Steel Power Incorporated (SPi).
Ang maong seminar nagtumong sa pagpalig-on sa kahimsog sa mga inahan ug kabataan. Diin gi-pangunahan ni Municipal Health Officer Dr. Jennifer Advincula ang paghatag kaalam bahin sa mga pamaagi sa pagpahimsog sa inahan, ilabi na sa panahon sa pagmabdos hangtod sa pagpadako sa ilahang mga anak.
Sa laing bahin, dugang kahibalo usab bahin sa "Building Children's Positive Behavior" ang gi-diskusyo ni Municipal Social Welfare and Development Office Head Ms. Verlyn Baclay, alang sa mga gabayan ug teknik sa pagpadako, ug pag-disiplina sa ilahang mga anak.
Ang maong seminar usa ka kabahin sa paningkamot aron masuportahan ang mga ginikanan, ilabi na ang mga inahan, sa ilang dakong papel sa pagtukod sa usa ka lig-on, himsog, ug hapsay nga pamilya. Anaa usab sa kalihokan ang presensya nila COMREL Manager SPi Mr. Jerome Soldevilla, Ms. Elnie Cagas, ug MHO Nurse Ms. Ellah Oraiz.
Comments
Post a Comment