THIS IS MY PERSONAL NOTES FROM MY COVERAGE, ASK PERMISSION FIRST BEFORE YOU OPEN, THANK YOU.
Duyog sa seremonya pagpakayab sa nasudnong bandila sa LGU-Tagoloan, gi-tunol usab adlawng Lunes Hulyo 7, 2025 ang sertipiko sa aktibong partisipasyon sa Tagoloan River Basin (TRB) nga malampusong gidawat ni Municipal Environment and Natural Resources Office (MENRO) Head Engr. Jeffrey Elogsong; lakip usab niini ang pagturn-over sa mga Eco-Furnitures diin ang nahimong benepisyaryo mao ang Buhatan sa Tagoloan Municipal Econimic Enterprise and Development Office (MEEDO) ug Department of Interior and Local Government Office (DILG) -Tagoloan. Samtang balor sa 30 ka mga Eco-School Chair usab nag natunol, diin ang nahimong benepisyaryo niini mao ang Tagoloan Central School.
Ang maong mga Eco-furnitures nga gilangkuban sa benches, lingkoranan, lamesa ug mga school chairs nga gi-turnover gama sa mga recycled nga mga basura sama sa plastic bottles, cellophanes ug uban pa nga nakolekta ug gi-proseso sa mga kawani sa MENRO aron nga mapahimuslan ug magamit. Uban usab sa pagturn-over niini ang Inahan sa Lungsod sa Tagoloan Mayor Atty. Nadya B. Emano-Elipe kauban ang Sangguniang Bayan Members sa pagpanguna ni Vice Mayor Rolando Seno.
Comments
Post a Comment