THIS IS MY PERSONAL NOTES FROM MY COVERAGE, ASK PERMISSION FIRST BEFORE YOU OPEN, THANK YOU.
Malipayon ug pormal nang gibuksan sa Tagoloan Community College (TCC) ang Basic and Advance ROTC Program alang sa School Year 2025–2026 pinaagi sa usa ka seremonya nga gipahigayon sa nasangpit nga tunghaan. Sa maong seremonya, gi-presentar ang mga partesipante nga gilangkuban sa 474 ka male basic cadets, 114 ka female basic cadets, 15 ka male advance ROTC cadets, ug 12 ka female advance ROTC cadets nga mosalmot sa maong training karong tuiga.
Lakip sa highlight sa kalihukan mao ang donning of ranks alang sa advance cadets, nga nagtimaan sa ilang dugang responsibilidad ug liderato isip giya sa ilang mga kauban sa ROTC unit.
Mitambong usab sa maong seremonya si Tagoloan Vice Mayor Rolando Seno, nga naghatag ug mensahe sa pagdasig sa mga partesipante aron mahimong disiplinado ug andam sa pagserbisyo sa katawhan ug sa nasud, anaa usab ang presensya nila Vice President for Academic Affairs Dr. Kharen Jane S. Ungab, ROTC Coordinator Mr. Querol P. Padecio, RCrim, NSTP Director Mr. Roqzl Joe Cagatin, LPT, ug uban pang dinapit nga bisita.
Samtang si Retired PNP Police Major Tawide S. Galleon misalmot isip guest speaker, diin iyang gipasiugda ang bili sa pagpanerbisyo, kaisog, ug pagpaningkamot sa mga kabatan-onan nga mahimong lider sa umaabot.
Gi-lauman nga pinaagi sa maong programa, ang mga ROTC cadets sa Tagoloan Community College mahimong modelo sa disiplina, kaisog, ug anadam sa pagserbisyo alang sa katawhan ug sa nasud.
Comments
Post a Comment