THIS IS MY PERSONAL NOTES FROM MY COVERAGE, ASK PERMISSION FIRST BEFORE YOU OPEN, THANK YOU.
Usa ka mabulokon ug mabibo nga panag-tigom ang natigayon ning adlaw nga Biyernes Agosto 8, 2025 alang sa mga Faculty and Staffs, ug mga Magtutungha gikan sa nagkalain-laing college department sa Tagoloan Community College (TCC) alayon sa "GENERAL ORIENTATION 2025" para sa Academic Year 2025-2026.
Gi-tumong niini nga kalihokan ang ma-hatagan sa mga gabayan ang mga mangtutungha bahin sa mga regulasyon ug polisiya sulod sa maong tunghaan; ilabi na ang mapaila-ila ngadto sa mga mangtutungha ang mga personahe'g magtutudlo sa Tagoloan Community College.
Alang paghatag sa makadasig nga mensahe gikan ni TCC OIC-President Mayor Atty. Nadya B. Emano-Elipe, anaa ang presensya ni Municipal Councilor Honey E. Doña, diin tipik sa mensahe niini ang tiunay nga pagsuporta sa Lokal nga Pangagamhanan bahin sa pagpalambo sa sektor sa edukasyon alang sa mga mangtutungha.
Samtang pormal usab nga nanumpa atubangan sa mga magtutudlo, ug mag mangtutungha ang mga Student Leaders ug Student Supreme Council, diin ang seremonya sa pagpanumpa gi-ulohan ni Councilor Doña.
Present usab sa maong kalihokan ni TCC Vice President for Academic Affairs Dr. Kharen Jane S. Ungab, ug TCC Vice President for Administration Prof. Merilyn Tangon. Gani man, nagmabungahon ang kalihokan, ug naghatag usab sa dili malimtan nga kasinati-an alang sa mga mangtutungha nga makahatag kadasig kanila alang sa tibuok School Year 2025-2026.
Comments
Post a Comment