NOVEMBER 12, 2025 | MUNICIPAL LEADERSHIP AND DEVELOPMENT PROGRAM

THIS IS MY PERSONAL NOTES FROM MY COVERAGE, ASK PERMISSION FIRST BEFORE YOU OPEN, THANK YOU.

LGU-Tagoloan ubos sa administrasyon ni Mayor Atty. Nadya B. Emano-Elipe, nakab-ot ang aprobasyon sa Municipal Leadership and Development Program (MLDP). Kini homan personal nga gi-tambong si Tagoloan Municipal Mayor Atty. Nadya B. Emano-Elipe sa "Municipal Leadership Development Program Final Selection Workshop" pinasiugdahan sa Department Of Health Region 10 uban sa pagtimbayayong sa UP Manila – College of Public Health ning adlawng Miyerkules Nobyembre 12, 2025 sa PearlMont Hotel, Cagayan De Oro City.

Sa maong kalihokan, gi-presentar ni Mayor Atty. Nadya ang mga plano, hagit, ug mga solusyon nga may kalabotan sa pagpalambo sa Sektor sa Panglawas, ug aktibong partisipasyon sa local health sector sa pagtabang sa pagpakab-ot sa mas lig-on ug malungtarong public health system sa Lungsod. Tinguha niini ang pagpalig-on sa kapasidad sa Lokal nga Pangagamhanan aron mas mapaayo ang pagserbisyo sa katawhan, ug mapausbaw ang kalamboan alang sa kaayohan sa mga Tagoloanon

Uban ni Mayor Atty. Nadya sila Municipal Health Officer Dr. Jennifer Advincula, Public Health Nurse Elah Oraiz, DMO IV Laurenz Jude Valdehueza ug Nurse - NDP Crystal Gail T. Sebastian. Anaa usab ang mga kadagkuan sa DOH-X ubos ni Dr. Sulpicio Henry M. Legaspi Jr. DOH-X Regional Director, mga Local Chief Executives sa nagkalain-laing lugar sa Rehiyon 10, ug mga dinapit nga bisita.

Pinaagi sa pag-apil sa MLDP, ang LGU-Tagoloan nag tinguha sa padayon nga pagpaningkamot aron mapaayo ang public health sector, nga nagmugna og mga programa nga mas responsive ug inclusive alang sa tanang Tagoloanon.